ग्रेस हिल कम्युनिटी चर्चमा भव्यताको साथ क्रिसमस पर्व पालन
गान्तोक, 25 दिसम्बरः तादोङ ग्रेस हिल कम्युनिटी चर्चमा प्रभु येशु ख्रीष्टको जन्म दिन भव्यताको साथ पालन गरियो। रेभ. पावल गुरूङको प्राम्भिक प्रार्थनाको साथमा आरम्भ भएको क्रिस्मस कार्यक्रमको अवसरमा उऩले प्रभु येशुको जन्मको प्रमुख कारण र उद्देश्यमाथि वचनका साथ प्रकाश पारे।
यस कार्यक्रमको अवसरमा विभिन्न नृत्य एवं गीतहरू प्रस्तुत गरिएको थियो, जसमा इज्जाक तामाङ, सुश्री निशा राई, एल्डर पूर्ण प्रधान र श्रीमती मनु कोइरालाले एकल गीत अनि श्रीमती शान्ति राईले सुन्दर नृत्य प्रस्तुत गरेकी थिइऩ्। कार्यक्रमको मुख्य आकर्षण भऩे जोन राईद्वारा प्रस्तुत गरिएको हाँस्य नृत्य रहेको थियो, जसमार्फत उनले उपस्थित सबै विश्वासीहरूलाई मनोरञ्जन गराएका थिए।
प्रभु येशु ख्रीस्टको जन्मको खुशियालीमा केक काटे पश्चात रेभ. पावल गुरूङको अन्तिम प्रार्थनाका साथ कार्यक्रमको समापन भएको थियो।
Category: Religion-Faith
0 comments