बम आक्रमणमा प्राण गुमाउने नेपालीहरूप्रति प्रधानमन्त्री मोदीद्वारा सम्वेदना व्यक्त

काबुल-अफगानिस्तानको राजधानी काबुलमा तालिबानी आतंकवादीले गरेको आत्मघाती बम विस्फोटमा प्राण गुमाउने १४ नेपालीहरूप्रति भारतीय प्रधानमन्त्री नरेन्द्र मोदीले ट्वीटमार्फत दुःख व्यक्त गरे छन्| प्रधानमन्त्री मोदीले आफ्नो सन्देशमा काबुलमा भएको यस दुःखद घटनाप्रति कड़ा भर्त्सना जनाउँदै मारिएका निर्दोष व्यक्ति एवं नेपाल र अफगान सरकारप्रति गहिरो सम्वेदना व्यक्त गरेका छन्|

प्रधानमन्त्री मोदीले अफगानिस्तान तथा नेपाल सरकार एवं घटनामा प्राम गुमाउनेहरूको परिवारप्रति सम्वेदना प्रकट गरेका छन्| मोदीले दुःखको यो घड़ीमा भारतले नेपाल सरकारलाई हर प्रकारको आवश्यक सहयोग प्रदान गर्न कदम चाल्दै गरेको जानकारी पनि दिएका छन्|

यस आक्रमणमा १४ जना नेपालीको मृत्यु भएको छ| अफगानी गृहमन्त्रालयद्वारा जारी प्रेस विज्ञप्तिमा जनाएका अनुसार सोमवार बिहान भएको उक्त विस्फोटमा १४ नेपालीको मृत्यु अतिरिक्त अन्य ५ नेपाली र ४ अफगानी घाइते भएका छन्|

तालिबान आतंकवादीले नेपाली सुरक्षा गार्ड चढ़ेको बसमा बिहान ५:४० बजे आत्मघाती आक्रमण गरेको थियो| काबुल पुलिस प्रमुख अब्दुल रहमानअनुसार नीजि सुरक्षा गार्डको आवस नजिकै घात लगाएर बसेका आतंकवादीले गार्ड चढेको गाडी आवसको गेटबाट बाहिरिन साथै विस्फोटन गरेको थियो| 

पाकिस्तानस्थित नेपाली दूतावासका एक अधिकारी अनुसार मृतक तथा घाइते सुरक्षा गार्डहरू त्यहॉंको एक निजी सुरक्षा कम्पनीमा काम गर्दथे, जसले क्यानेडियन दुतावासलाई सुरक्षा प्रदान गर्दथ्यो| घाइतेहरूको अवस्था अहिले सामान्य रहेको जानकारी गराएका छन्|

तालिबानका प्रवक्ता जबिउल्ला मुजाहिदले ट्वीट गर्दै उक्त आक्रमणको जिम्मेवारी लिएको छ|