मुख्यमन्त्रीले गरे रानीपूलमा विद्यालय भवन अनि प्रेक्षागृहको उद्घाटन

गान्तोकः पूर्व सिक्किमको रानीपूलस्थित वृहस्पति परसाई सरकारी उच्चत्तर् माध्यामिक विद्यालयको १२ कोठे भवनसहित प्रेक्षागृह (अडिटोरियम) को आज मुख्यमन्त्री श्री पवन चामलिङले उत्घाटन गरेका छन्|

लगभग २ करोड ४ लाख रूपियॉंको लागतमा निर्मित यस भवनलाई उद्घाटनपछि मुख्यमन्त्री श्री चामलिङले विद्यालयलाई हस्तानान्तरण गरेका छन्|

उद्घाटनपछि विद्यार्थीहरूलाई सम्बोधन गर्दै मु‘यमन्त्री चामलिङले विद्यार्थीहरू सिक्किमको वास्तुकार रहेको बताए जसले राज्यको भविष्य निर्माण गर्नेछन्| यस अवसरमा उनले स्कूल निर्माण गर्न जमीन प्रदान गर्ने व्यक्तित्व बिरस्पति परसाईको समझाना गर्दै सिक्किमप्रति उनको योगदानबारे विद्यार्थीहरूलाई जानकारी दिए|

उनले स्कूल परिसरमा बिरस्पति परसाईको मूर्ति स्थापना गर्ने घोषणा गरे| यसै क‘ममा उनले जसको सम्मानमा स्कूल निर्माण गरिएको छ उनीहरूका स्कूल परिसरमा मूर्ति निर्माण गर्ने घोषणा पनि गरे| विद्यार्थीहरूको ध्यान आकर्षित गर्दै चामलिङले शिक्षालाई गम्भीरतापूर्वक लिने तथा सिर्जनशील, नवप्रवर्तनशील र निपुण बन्ने सुझाउ दिए| सरकारी स्कूलहरूमा गुणात्मकता ल्याउन सरकारले गरिरहेका विभिन्न पहलमाथि उनले प्रकाश पारे| उनले स्नातक तहसम्म सबैलाई र बीपीएल विद्यार्थीहरूलाई विश्‍वविद्यालय स्तरसम्म देशमा कतै निःशुल्क रूपमा शिक्षा प्रदान नगरिने बताए| उनले कड़ा परिश्रम गर्नेहरूका निम्ति शिक्षाको क्षेत्रमा अवसरको कुनै कमी नरहेको बताए| यसरी नै उनले यस निर्वाचन क्षेत्रलाई आदर्श क्षेत्र बनाउन हर सम्भव सहयोगको आश्‍वासन पनि दिए|

यस अवसरमा चामलिङले मार्ताम रूम्तेक निर्वाचन क्षेत्रको वेबसाइट पनि लोकार्पण गरे| यस भन्दाअघि क्षेत्र विधायक एवं संसदीय सचिव डा. मिचुङ भोटिया र स्कूलकी प्रधानाचार्यको बाहुलीबाट मु‘यमन्त्रीलाई सम्मानित गरियो| कार्यक‘मलाई मानव संसाधन विकास विभागका मन्त्री आर.बी सुब्बा, विधायक भोटिया आदिले पनि सम्बोधन गरेका थिए|