सरकारी कर्मचारी संघको केन्द्रिय तदर्थ कार्यकारी समिति गठन

गान्तोकः अखिल सिक्किम सरकारी कर्मचारी संघ (समूह सी अनि डी) को तदर्थ (एड्हक) कार्यकारी समिति गठन भएको छ| गान्तोकस्थित संघको कार्यलयस्थित हलमा बुधवार सम्पन्न एक सभामा कार्यवाहक कमिटीले नवगठित तदर्थ कार्यकारी समितिलाई संघको जिम्मेवारी साथै दस्तावेजहरू सुम्पियो| संघको तदर्थ कार्यकारी समितिका अध्यक्ष ङ्गुर्साङ लेप्चालाई चयनित गरिएको छ|

यसरी नै एम.के लामा उपाध्यक्ष, एस.बी गुरूङ महासचिव, श्रीमती सरला तामाङ कोषाध्यक्ष, श्रीमती मिङमा ल्हमू शेर्पा सहकोषाध्यक्ष, सुरेश राई समन्वय सचिव, बिजय राई प्रचार सचिव, उदय नारायण शर्मा कार्यालय सचिव र दोर्जी लेप्चालाई सूचना सचिवको रूपमा मनोनित गरिएको छ|

सभामा कार्यवाहक कमिटीका महासचिवले तदर्थ कार्यकारी समितिका महासचिवलाई संघका दस्तावेजहरू विधिवत् रूपमा हस्तान्तरण गरे| कार्यक्रमलाई सम्बोधन गर्दै संघका पूर्व अध्यक्ष एवं कार्यवाहक कमिटीका अध्यक्ष नरसिंह राईले तदर्थ कार्यकारी समितिका सदस्यहरूलाई बधाइ एवं शुभेच्छा व्यक्त गरे|

उनले यो एउटा राज्यव्यापी संस्था रहेको हुँदा जिम्मेवारीका साथ काम गर्नुपर्ने मनतव्य व्यक्त गरे| उनले तदर्थ कार्यकारी समितिका सदस्यहरूलाई संघ सञ्चालन गर्न आफ्नो तर्ङ्गबाट हर सम्भव सहयोग दिने बताए| यसरी नै नवमनोनित अध्यक्ष लेप्चाले कर्मचारीहरूको हितलाई ध्यानमा राखेर काम गर्ने मनतव्य व्यक्त गरे| यस संस्थामा हाल १३ हजारभन्दा अधिक सदस्य रहेको बताइएको छ|