१७ औं अखिल भारतीय पुलिस ब्याण्ड प्रतियोगितामा सहभागिता जनाउन ३३ सदस्यीय सिक्किमको दल प्रस्थान

गान्तोकः १७ औं अखिल भारतीय पुलिस ब्याण्ड प्रतियोगिता २०१६ मा सहभागिता जनाउन आज ३३ सदस्यीय सिक्किम पुलिस पाइप ब्याण्ड महाराष्ट्रको निम्ति प्रस्थान भएको छ|

आगामी १० देखि १५ जूनसम्म  चल्ने यस प्रतियोगितामा सिक्किमको ब्याण्डको अगुवाई पीआई नामग्याल भोटियाले गरिरहेका छन्|

सिक्किमको पुलिस ब्याण्डले यसअघि पनि देशका विभिन्न स्थानहरूमा सम्पन्न यस प्रकारको प्रतियोगितामा सहभागिता जनाइसकेको छ भने २०१२ मा नयॉं दिल्लीको चावला क्याम्पमा सम्पन्न १३ औं अखिल भारतीय पुलिस ब्याण्ड प्रतियोगितामा सिक्किमको टोलीले ‘बेस्ट पब्लिक पर्फर्मेन्स’ को उपाधि जितेको थियो| यस प्रतियोगितामा महाराष्ट्र पुलिस दोस्रो अनि बीएसएफ तेस्रो स्थानमा रहेको थियो|

यसपल्टको ब्याण्ड दलमा १० जना महिला सदस्यहरू पनि सामेल छन् भने उनीहरूले प्रतियोगिताको निम्ति कड़ा प्रशिक्षण गरेको बताइएको छ|