माइनिङ उच्चातर माध्यमिक विद्याल्यद्वारा वृक्षरोपण कार्यक्रम

रम्फूः पूर्व सिक्किमको रम्फू माइनिङ उच्चातर माध्यमिक पाठशालामा विश्व पर्यावरण सप्ताहको अवसरमा पाठशाला परिसरमा विद्यार्थीहरुबीच प्लेकार्ड प्रतियोगिताका साथ वृक्ष रोपन कार्यक्रम आयोजित गरियो|

अवकाश प्राप्त वन अधिकारी सीबी गुरुङको मुख्य आतिथ्यमा सम्पन्न कार्यक्रममा पाठशाला पर्यावरण जागरूकताबारे अन्तरक्रिया, चर्चा-परिचर्चा गरिनका साथै विद्यार्थीहरूले कविता लेखनद्वारा पर्यावरण बचाउने संकल्प लिए|

मुख्य अतिथि सीबी गुरुङले पाठशालाको पहलको स्वागत जनाउँदै मानिसले स्वस्थ रहनुको निम्ति पर्यावरन संरक्षण गर्न अति आवश्यक रहेको बताए| यस अवसरमा पचासभन्दा अधिक विद्यार्थीहरुले पर्यवारण जागरूकता प्लेकार्ड प्रतियोगिताको निम्ति परेड निकाले|

प्रतियोगिताको परिणाम आगामी सोमवार घोषणा गर्ने जानकारी गराइएको छ| अर्कापट्टि आज नै  पाठशाला परिसरमा  वृक्षरोपन  पनि गरियो, जसमा विद्यार्थीहरु अतिरिक्त शिक्षक-शिक्षिका र प्राचार्य सहित मुख्य अतिथि एवं विशिष्ट अतिथिहरुले सहभागिता जनाएका थिए|