शत प्रतिशत अंक ल्याउने विद्यार्थी विद्यालयद्वारा सम्मानित

गान्तोकः सीबीएसईको कक्षा १० मा शत प्रतिशत (१० सीजीपीए) अंक ल्याएर क्षेत्र तथा स्कूलको नाम उच्च पार्ने पूर्व सिक्किमको सिङताम उच्चतर् माध्यमिक विद्यालयका विद्यार्थी तथा दक्षिण सिक्किमको लिङ्गी सोक्पे निवासी अभिषेक पाण्डेलाई आज विद्यालयले एक समारोहबीच सम्मानित गर्‍यो| श्री हरी प्रसाद पाण्डेका सुपुत्र अभिषेकलाई आज विद्यालयका प्रधानाचार्य श्री केबी छेत्रीले सम्मानित गरे|

यस अवसरमा प्रधानाचार्य श्री छेत्रीले यसपल्ट कक्षा १० मा कुल १०४ विद्यर्थीले परीक्षा दिएको, जसमध्ये १०३ उतीर्ण भएको जानकारी दिए| यसमध्ये अभिषेकले १० सीजीपीए अंक ल्याए भने चार विद्यार्थीले ९ सीजीपीए, २० विद्यार्थीले ८, ३० विद्यार्थीले ७, ४५ विद्यार्थीले ६ र ३ विद्यार्थीले ५ सीजीपीए अंक अर्जित गरेको प्रधानाचार्य छेत्रीले बताए|

यसरी नै कक्षा १२ को परीक्षा परिणाम पनि उत्कृष्ट रहेको जानकारी दिँदै श्री छेत्रीले साइन्स र कमर्समा शत प्रतिशत विद्यार्थी उत्तीर्ण भएको तथा आर्टसमा ९३ प्रतिशत विद्यार्थी उत्तीर्ण भएको बताए|