साई मण्डलीद्वारा सीबीएसईमा उत्कृष्ट अंक ल्याउने विद्यार्थीहरूलाई अभिनन्दन

सोरेङ, ७ जूनः पश्‍चिम सिक्किमको पक्किगाउँमा शान्तिग्राम साई मण्डलीले एक कार्यक्रमको आयोजना गरी सीबीएसई २०१६ को दशौं श्रेणीको परीक्षामा उत्कृष्ट अंक ल्याएर क्षेत्रको नाम उच्च पार्ने तीन विद्यार्थीहरूलाई प्रशस्ती पत्रका साथ अभिनन्दन जनाएको छ|

मण्डलीले यस प्रकारको अभिन्दन कार्यक्रम पछिल्लो चार वर्षदेखि लगातार रूपमा आयोजित गर्दै आएको छ भने यसपल्टको कार्यक्रममा च्याखुङ उच्चतर् माध्यमिक विद्यालयका प्रधानाचार्य एसपी शर्मा मुख्य अतिथिका रूपमा उपस्थित थिए|

यस अतिरिक्त यस कार्यक्रममा पक्किगाउँ माध्यमिक विद्यालयका प्रधानाध्यापक, शिक्षक-शिक्षिकागण, साई भक्तजनहरूको उपस्थिति रहेको थियो भने कार्यक्रमको अवसरमा भजन एवं प्रवचन पनि प्रस्तुत गरिएको थियो|