सड़क दुर्घटनमा घाइते पर्यटकहरूको अस्पताल पुगेर स्वास्थ्य मन्त्री घतानीले लिए स्वास्थ्यबारे जानकारी

गान्तोक। हिजो साँझ नाथुलाबाट फर्कने क्रममा जेएन रोड,15 माइलमा दुर्घटनामा परी घाइते बनेका मेरठ निवासी पर्यटकद्वय डा. मन्नु डिलोन अनि श्रीमती दिव्या डिलोनसित स्थानीय एसटीएनएम अस्पताल पुगेर राज्यका स्वास्थ्य मन्त्री श्री एके घतानीले घेटघाट गरी उनीहरूको स्वास्थ्यबारे जानकारी लिए। 

मन्त्री घतानीले घाइतेहरूसित भेटघाट गरी राज्य सरकारको तर्फबाट हरसम्भव सहयोगको आश्वासन दिनका साथै उनीहरूको शीघ्र स्वास्थ्य लाभको  कामकाना व्यक्त गरे। घाइते  पर्यटकहरूले आफूहरूलाई असल चिकित्सा सुविधा उपलब्ध गराएकोमा सिक्किम सरकार अनि अस्पताल पक्षप्रति कृतज्ञता व्यक्त गरेका छन्।

यद्यपि आज उनीहरूलाई अस्पतालबाट छुट्टी दिइएको र उनीहरू मेरठको निम्ति प्रस्थान भएको एसटीएनएम अस्पतालका चिकित्सा अधीक्षक डा. केबी गुरूङले जानकारी दिएका छन्।