रम्फूमा आगामी २६ जूनको दिन ‘वर्ल्ड एन्टी ड्रग्स’ दिवस पालन गरिने

रम्फूः बोर्डर IX रम्फू आगामी २६ जूनको दिन रम्फू लोअर बजार (तल्लो बजार) मा ‘वर्ल्ड एन्टी ड्रग्स’ दिवस पालन गर्ने तयारीमा लागिपरेको छ| ‘से नो डु ड्रग’ थिम दिएको यस अभियानमा स्थानीय युवावर्गका साथ बिजारी जागर युवा मञ्च, मारवाड़ी युवा मञ्च, माझिटार स्पोर्टस क्लब, रम्फू नगर पञ्चायत, सिक्किम पुलिस-रम्फूलगायत स्थानीय संघ-संस्थाहरूको संयुक्त सहभागिता रहेको छ| 

यस अभियानको निम्ति पश्‍चिम पाण्डम निर्वाचन क्षेत्रका विधायक श्री गोपाल बराईलीले एक पोस्टर पनि लञ्च गरेका छन्|

यस अभियानलाई सफल बनाउन र ड्रग्स जस्ता मानव तथा समाजको निम्ति खतरनाक बन्दै गइरहेको कुलतबाट विशेष गरी युवा जमातलाई सुरक्षित राख्ने यस अभियानलाई सफलिभूत पार्न सबैलाई उक्त दिन यस कार्यक्रममा सहभागी हुन हार्दिक आग्रह गरिएको छ| समाजलाई ड्रग्स मुक्त बनाऔं र स्वच्छ जीवनको उपहार दिऊ|