आइसीएसआइ-सिक्किम विश्‍वविद्यालय अध्ययन केन्द्र स्थापना गर्न समझदारी पत्रमा हस्ताक्षर

गान्तोक, ३० नोभेम्बर: सिक्किम विश्‍वविद्यालय परिसरमा आइसीएसआइ-सिक्किम विश्‍वविद्यालय अध्ययन केन्द्र स्थापना गर्न सिक्किम विश्‍वविद्यालय र इन्स्टीट्यूट अव् कम्पनी सेक्रेटरिज् अव् इण्डिया (आइसीएसआइ) बीच हिजो समझदारी पत्रमा हस्ताक्षर गरियो|

आइसीएसआइ संसदीय ऐनअन्तर्गत स्थापित एउटा वैधानिक एकाइ हो (कम्पनी सचिव ऐन, १९८० अर्थात् १९८० को ५६)| समुचित करपोरेट शासनलाई सहयोग गर्न उच्च योग्यताका पेशेवरहरू विकास गर्ने लक्ष्यका साथ भारतमा कम्पनी सचिवहरूको पेशा विकास एवं नियमन गर्न स्थापित भारतको एक मात्र मान्यताप्राप्त पेशेवर प्रतिष्ठान हो| आइसीएसआइले भारत सरकारको करपोरेट मामिला मन्त्रालयको अधीनमा कार्य परिचालन गर्दछ|

यस आशयको समझदारी पत्र सिक्किम विश्‍वविद्यालयका पञ्जियक टीके कौल अनि आइसीएसआइ-ईआइआरओका संयुक्त निर्देशक डीभीएनएन शर्माद्वारा सिक्किम विश्‍वविद्यालयका उपकूलपति प्रो. टीबी सुब्बाको उपस्थितिमा हस्ताक्षर गरिएको थियो| विभिन्न विभागका डीन, विभाग प्रमुखका साथै वाणिज्य, विधि एवं प्रबन्धनका सङ्काय सदस्यहरूका साथमा दुवै विश्‍वविद्यालय अनि आइसीएसआइका अधिकारीहरूको पनि यस अवसरमा उपस्थिति रहेको थियो|

गान्तोकमा अध्ययन केन्द्रको स्थापनाले आइसीएसआइको पेशेवर कार्यक्रम अध्ययन गर्न सिक्किम अनि छिमेकी क्षेत्रका विद्यार्थीहरूलाई सहायता पुर्‍याउने क्रमको शुभारम्भ ठहरिनेछ| (पीआइबी)