विभागद्वारा सिक्किम राज्यका २१ विभिन्न प्रजातिका रूखहरूलाई धरोहर रूखको दर्जा प्रदान

गान्तोकः सिक्किम सरकारको वन, पर्यावरण तथा वन्यप्राणी प्रबन्धन विभागले राज्यका कुल २१ वटा विभिन्न प्रजातिका रूखहरूलाई धरोहरको दर्जा प्रदान गरेको छ| वन विभागले वन्यप्राणी, चरा, रूख, वनस्पति आदिको संरक्षण अनि संवर्द्धनको निम्ति विभिन्न पहल गर्दै आएको र यो पनि यसै मध्ये एउटा पहल रहेको जानकारी विभागीय प्रधान सचिव डा. थोमस चान्डीले सोमबार पत्रकार सम्मेलनमा बताए| यसरी रूखहरूलाई धरोहर घोषणा गर्नुको पछि पर्यावरण तथा रूखहरूको संरक्षण नै मुख्य कारण रहेको छ| यसरी नै राज्यमा जंगल विज्ञानको महत्वलाई मान्यता दिँदै र परितन्त्रमा ऐतिहासिक रूपले महत्वपूर्ण रूखहरूको मूल्यलाई ध्यानमा राखेर यो निर्णय लिइएको बताइएको छ| यस सम्बन्धमा विभागले ४ जूनको दिन एउटा अधिसूचना समेत जारी गरिसकेको छ|

विभागले रंगेली, देन्ताम, सोरेङ, राबोङ, नाम्ची-तिमी, राभाङला, मंगन र जङ्गु रेञ्ज/ब्लकमा पर्ने उक्त २१ वटा विभिन्न प्रजातिका रूखलाई धरोहर रूख भनी घोषणा गरेको छ| यसमा टूनी, पानीसास, बान्टे, बजराठ, औले कटुस, थेङग्रे सल्ला, मुस्रे कटुस, बुक, कटुस, ङ्गालट, रानी चम्पा, जंगली बर र खोल्मे रूखको नाम सामेल छन्| राज्यमा अझै यस्ता धरोहर रूखहरूको खोजी गर्ने कार्य भइरहेको उनले बताए| यद्यपि, धरोहर रूख घोषणाको निम्ति विभागले कतिपय मापदण्ड भने निर्धारित गरेको छ| यसरी नै विभागीय प्रधान सचिवले आगामी १४ जूनको दिन पर्यावरण महोत्सव शुरू भइरहेको र यो महोत्सव ३० जूनको दिन समाप्त हुने जानकारी दिए| यो पर्यावरण महोत्सव मुख्यमन्त्री पवन चामलिङले शुरू गरेको र यसको उद्देश्य पर्यावरणबारे मानिसहरूमा जागरूकता ङ्गैलाउनु रहेको उनले बताए|

उनले यसपाली विशेष रूपमा सड़क मार्ग छेउछाउ र जंगलभित्र खाली ठाउँहरूमा विरूवा लगाउने कार्य गरिने बताए| वन विभागले अन्य विभागहरूलाई पनि आफ्नो श्रमशक्ति लगाएर यस अभियानलाई सङ्गल बनाउन आह्वान गरेको उनले जानकारी दिए| उनले गत वर्षको तुलानामा यसपाली अधिक संख्यामा विरूवा वितरण केन्द्रहरू स्थापना गरिने बताए| गत वर्ष पॉंच लाखभन्दा कम विरूवा लगाइएको र यसपाली दुई गुणा अधिक विरूवा लगाउने लक्ष्य लिइएको बताए| पर्यावरण महोत्सवको महोत्सवको उद्घाटन टाइटेनिक पार्क, एमजी मार्गबाट १५ जूनको दिन गरिने उनले बताए| उनले राज्यमा रहेका स्मृति वनहरू पुनः देखभाल शुरू गर्ने जानकारी पनि दिए|