वर्षाका कारण सिक्किम प्रदेश कांग्रेसको रिनाकको हाट बजारे सभा स्थगित

गान्तोक। सिक्किम प्रदेश पूर्व जिल्ला कांग्रेस कमिटीको जिल्ला अध्यक्ष दोर्जी ओङ्दी भोटियाको सभापतित्वमा पाकिममा बसेको एक सभाले कांग्रेस पार्टीको आम सभा (हाट बजारे) माथि चर्चा गर्दै हाल भइरहेको अविरल वर्षाका कारण भोली 25 जूनको दिन रिनाक बजारमा सम्पन्न गरिने भएको सभालाई स्थगित गर्ने निर्णय लिएको छ। उक्त सभाले लिएको निर्णयलाई प्रदेश कांग्रेस कमिटीको हाई कमाण्डले पनि टेलिफोनिक सम्वादमार्फत स्वीकार गरेको जनाइएको छ।

सभाले जिल्ला पुलिस अधिक्षकसमक्ष खेद प्रकट गर्दै जिल्ला पुलिस अधिक्षक (पूर्व) प्रति माइक प्रयोगको निम्ति प्राप्त भएको अनुति रद्द गरिदिने निवेदन पूर्व जिल्लाका सिक्किम प्रदेश जिल्ला कांग्रेस कमिटी अध्यक्ष दोर्जी ओङ्दी भोटियाद्वारा जारी विज्ञप्तिमार्फत गरेको छ।