माता-पितालाई भेट्न दुई बालकले गरे बसको तल बसेर ८० किलोमिटर जोखिमपूर्ण यात्रा

चीन, 28 नोभेम्बरः हाम्रो छिमेकी राष्ट्र चीनमा एकै परिवारका दुई बालकले आफ्ना अभिभाव भेट्न बसको पछिल्लो चक्काको छेउमा लुकेर ८० किलोमिटरको जोखिमपूर्ण यात्रा गरेको खबर अहिले सामाजिक सञ्जालमा व्यापक चर्चाको विषय बनेको छ भने यो घटना प्रकाशमा आएपछि चीनमा बाल-बालिकाहरूको अधिकारी अनि उनीहरूको सुरक्षा सम्बन्धी विषयलाई लिएर सामाजिक सञ्चालमा चर्चा पनि शुरू भएको छ ।

उनीहरु चीनको दक्षिणी गुएङझीबाट आफ्ना माता-पिता भेट्न उक्त बसमा लुगेर गुएङदोङ प्रान्त पुगेका थइए। यी दुई बालक गत नोभेम्बर २३ 2017 को दिन हराएको उनीहरुका शिक्षकले बताएका थिए । ती दुई बालक त्यही दिन बस पार्कमा बसको तल भेटिएका हुन् । तस्बिर तथा भिडियोमा दुई बालक हिलोले लत्तपतिएको देखिन्छ । उनीहरु बसको तल्लोभागमा रहेको भागमा बसेर ८० किलोमिटर यात्रा गरेका हुन् ।

साउथर्न मर्निङ पोस्टका अनुसार दुई बालक ८ वा ९ वर्षका छन् । ती बालकलाई सुरक्षाकर्मीले गाडी जाँचका लागि रोकेका बेला देखेका हुन् । बसको तल बालक देखेपछि बसका कर्मचारी अचम्मित भएका थिए । दुई बालकले आफ्नो बुवाआमालाई निकै सम्झिएको र उनीहरुलाई भेट्नका लागि बसको डिक्कीको सहारा लिएको पत्रिकाले उल्लेख गरेको छ।

उनीहरुको आर्थिक अवस्था कमजोर रहेको पनि जनाइएको छ । ती बालकलाई नोभेम्बर २३ कै दिन आफन्तको जिम्ममा लगाइएको थियो । तर त्यसपछि उनीहरुको तस्बिर सामाजिक सञ्जालमा सेयर भएको छ र यसले बालबालिकाको सुरक्षाको विषयलाई लिएर चर्चा सुरु भएको छ । यद्यपि चीनको सरकारी सञ्चारमाध्यमले बसको तल बसेर यात्रा गर्ने दुई बालकको नाम सार्वजनिक गरेको छैन ।